Ang KALINGA ay gawa sa pinaghalong dinurog na bigas (70%), munggo (10-15%), at linga (10-15%). Ito ay nagtataglay ng sustansya na kailangan sa pagpapanatili ng kalusugan at karagdagang nutrisyon ng katawan. Ang isang pakete (60 gramo) nito ay mayroong 240 enerhiya, 6 g protina at 6 g taba.   

Bukod pa dito, ang kalinga ay isang mura at masustansyang pagkain na maaaring pagkakitaan. Sa kasalukuyan, ang KALINGA sa Laguna ay ginagawa ng Rural Improvement Club (RIC) ng Los Baños at samahan ng BNS sa Nagcarlan. 

​

Ang KALINGA ay hindi lamang nararapat para sa winawalay na sanggol at nag-aaral na mga bata. Mabuti rin itong sangkap sa pagkain ng mga buntis, nagpapasusong ina, matatanda, at may sakit.